அத்தியாயம் 15 வெளிப்பட்ட பாண்டவர்கள்

இருவரையும் வரவேற்ற கண்ணன், “நீங்கள், இருவருமே என் உறவினர்கள். இருவருக்கும் உதவி செய்ய எண்ணுகின்றேன்.

ஒரு பக்கம் வலிமை வாய்ந்த என் படை உள்ளது. மாவீரர்கள் பலர் அதில் உள்ளனர். இன்னொரு பக்கம் நான் இருக்கின்றேன். போர்க்களத்தில் படைக் கருவிகள் எதையும் பயன்படுத்த மாட்டேன். யார் எதைத் தேர்ந்தெடுக்கறீர்கள்?” என்று கேட்டார்.

“கண்ணா ! உன் துணைதான் வேண்டும். எனக்குத் தேரோட்டியாக இருந்து – அருள வேண்டும்”  என்று வேண்டினான் அர்ச்சுனன். கண்ணன் போர் செய்யப் போவதில்லை. பெரிய படை நமக்குக் கிடைக்கக மகிழ்ந்தான் துரியோதனன்.

தன் ஆசிரியர் பலராமனிடம் வந்தான் அவன். அவர் உதவியை வேண்டினான். “என் தம்பி கண்ணன் பாண்டவர்  பக்கம் இருக்கிறான். அவனுக்கு எதிராக என்னால் போர் செய்ய இயலாது. போர்க்களத்தில் வீரத்துடன் போரிடு. என் வாழ்த்துக்கள்” என்றார் அவர்.

பாண்டவர்கள் தங்கள் துணைப் படைகளுடன் உபப்லாவ்யத்தில் தங்கி இருந்தனர். அர்ச்சுனனும் கண்ணனும் அங்கு வந்தனர்.