THE MAHABHARATHAM for Kids - Chapter 4 - Enemity within Gauravas

உள்ளுக்குள் எழுந்த பகை

அங்கே அத்தினாபுரத்தில் காந்தாரிக்கு நூறு மகன்களும் ஒரு மகளும் பிறந்தனர். அவர்கள் கௌரவர்கள் என்று அழைக்கப்பட்டனர். அவர்களில் மூத்தவனே துரியோதனன் ஆவான். ஆண்டுகள் சென்றன. இளவேனி காலம் வந்தது.

எங்கும் மலர்கள் பூத்துக் குலுங்கில பாண்டுவின் உள்ளத்தில் காம இச்சை தோன்றியது. அருகில் இருந்த மாத்ரியை அணைக்க முயன்றான். சாபத்தில் விளைவாக அவன் உயிர் நீங்கியது.

அவன் உடலுடன் தீக்குள் பாய்ந்து உயிரை விட்டாள் மாத்ரி. மகன்கள் அறியாச் சிறுவர்களாக உள்ளனர். அவர்களுக்காக வாழ வேண்டும் என்று நினைத்தாள் குந்தி அங்கிருந்த துறவிகள் குந்தியையும் பாண்டவர்களையும் அத்தினாபுரம் அழைத்து வந்தார்கள்.

அவர்களைத் திருதராட்டினனிடம் ஒப்படைத்தார்கள் கெளரவர்களும் பாண்டவர்களும் ஒன்றாகே அரண்மனையில் வளர்ந்தார்கள். தந்தை இல்லா பிள்ளைகளாதலால் பாண்டவர்களிடம் எல்லோரும் மிகு அன்பு காட்டினர். 

எங்கிருந்தோ வந்தவர்கள் இவ்வளவு சிறப்பு பெறுகிறார்களே. நம் உரிமையைப் பறிக்கிறார்களே என் கௌரவர்கள் பொறாமை கொண்டனர். முக்காலமமும் உணர்ந்தவரான வியாச முனிவர் அத்தினாபுரம் வந்தார்.

சத்தியவதியிடம் அவர், “அம்மா! இனிய நாட்கள் கழிந்து விட்டன. குரு குலத்தில் பிறந்தவர்கள் தங்களுக்குள்  போர் செய்யப் போகிறார்கள். பேரழிவு ஏற்படப் போகிற அதைப் பார்த்து நீங்கள் துன்பப்பட வேண்டாம். காட்டிற் சென்று கடவுள் நினைப்பில் காலத்தைக் கழியுங்க என்றார்.