Chapter – 7 பாஞ்சாலியின் சுயம்வரம்

(Click here for the entire Mahabharatham Series Blog)

Click here for YouTube Playlist

பாஞ்சால நாட்டு இளவரசி பாஞ்சாலிக்குச் சுயம்வரம் நிகழ உள்ளது. இந்தச் செய்தியைப் பாண்டவர்கள் கேள்விப்பட்டார்கள். அதில் கலந்து கொள்ள பாஞ்சால நாட்டை அடைந்தனர். அங்கே தங்கள் தாயுடன் ஒரு குயவனின் வீட்டில் தங்கினார்கள். 

சுயம்வர மண்டபத்தில் பல நாட்டு அரசர்களும் அமர்ந்து இருந்தார்கள். அந்தணர்கள் வேடத்தில் பாண்டவர்களும் அங்கே இருந்தார்கள்.

பேரழகுப் பதுமையெனப் பாஞ்சாலி அங்கே எல்லோரும் வீற்றிருந்தாள். இவளை மணக்கும் பேறு யாருக்கு உள்ளதோ? தெரியவில்லையே? என்று எல்லோரும் நினைத்தார்கள்.

பாஞ்சாலியின் தமையனான திஷ்டத்தும்மன் எழுந்தான். “சுயம்வரத்துக்கு வந்திருக்கும் எல்லோரும் கவனியுங்கள். மண்டபத்தின் நடுவில் கம்பம் ஒன் நிறுத்தப்பட்டு உள்ளது. அதன் உச்சியில் தங்க மீன் உள்ளது அந்த மீன் விசிறியோடு பொருத்தப்பட்டு சுற்றிக் கொண்டே இருக்கும்.

கம்பத்தின் அடியில் நீர்நிலை உள்ளது. அதில் மேலே சுற்றும் மீனின் நிழல் தெளிவாகத் தெரியும். நீர்நிலையை பார்த்து மீனுக்குக் குறி வைத்து அம்பு எய்ய வேண்டும். மீனை வீழ்த்துபவர்க்குப் பாஞ்சாலி மாலை இடுவாள்” என்றான். 

அரசர்கள் ஒவ்வொருவராகப் போட்டியில் கலந்து கொண்டனர். யாராலும் வெற்றி பெற முடியவில்லை . கர்ணன், துரியோதனன், ஜராசந்தன் போன்ற மாவீரர்களும் தோற்றனர்.

அந்தணர்கள் வரிசையிலிருந்து அர்ச்சுனன் எழுந்தான். வில்லில் அம்பு பூட்டினான். நீர்நிலையில் தெரிந்த நிழலையே கவனித்து மேலே குறி வைத்தான். வில்லை இழுத்து அம்பைவிட்டான். அந்த அம்பு தங்க மீனில் குத்தி அதை வீழ்த்தியது.