THE MAHABHARATHAM – Ch – 20 – போர்க்களத்தில் துரோணர்

அபிமன்யுவிடம் பீமன், ”உனக்கு இந்த வியூகத்திற்குள் நுழையத் தெரியும். ஆனால் வெளியே வரத் தெரியாது. நீ முதலில் வியூகத்திற்குள் நுழை. உன்னைத் தொடர்ந்து நாங்களும் வருகிறோம். வியூகத்தை உடைத்துக் கௌரவர்களுக்குத் தோல்வியை ஏற்படுத்தாலாம்” என்றான்.

அதன்படி வியூகத்தை உடைத்துக் கொண்டு உள்ளே நுழைந்தான் அபிமன்யு. தொடர முயன்ற பீமனையும் மற்றவர்களையும் ஜயத்ரதன் தடுத்து நிறுத்தினான். என்ன முயன்றும் அவர்களால் வியூகத்திற்குள் நுழைய முடியவில்லை . அதற்குள் வியூகம் மூடப்பட்டது.

வியூகத்திற்குள் தனியே சிக்கிக் கொண்டான் அபிமன்யு. அவனைத் துரோணர், கர்ணன், அசுவத்தாமன் போன்றோர் சூழ்ந்து கொண்டனர். வீரத்துடன் போரிட்ட அவனை அவர்கள் கொன்றார்கள். சமசப்தர்களை வென்று திரும்பினான் அர்ச்சுனன். மகன் அபிமன்யுவின் சாவு அவனை நிலை குலையச் செய்தது.

“என் மகன் சாவிற்கு ஜயத்ரதனே காரணம். நாளை கதிரவன் மறையும் முன் அவனைக் கொல்வேன். இல்லையேல் என் உயிரை விடுவேன்” என்று சபதம் செய்தான்.

பதினான்காம் நாள் போர் தொடங்கியது. ஜயத்ரதன் கௌரவர் படையால் நன்கு பாதுகாக்கப்பட்டான். அர்ச்சுனனால் அவனை நெருங்கவே முடியவில்லை.